朋友

續 2010-6-30 (Wed)

今日喺聖言，人影都無隻，喺呢啲咁嘅時間，人影都無隻，緊喺 call 啲小學同學黎「探班」，玩又好，點都好，黎下有個精神鼓勵都好。打俾陳安兒，唔得閒。好彩撞到一個久違的朋友──施恩耀。

我好開心，見番四年無見嘅朋友。一見到，就衝埋去攬住佢。

我仲記得前幾日同我個fd傾電話嘅時候，講到佢個細路已經升左上中學好耐。我話：「下？係咩？佢唔係仲喺油基咩？」嗰刻我發覺，我都開始老啦！

但係望到呢個朋友，就好似無老過，仍然咁八厭，仲玩得勁過啲 form 2 嘅先鋒「小弟弟」，遠處望過去，仲以為佢細過啲 form 2！

佢俾我好大啟發。人嘅一生，就係要活在當下。你話如果個個都好似佢咁，完全無牽無掛，你話幾好呢？但係現實，又可唔可以咁呢？

佢同小六真係無乜點變。呢四年雖然雙方無乜傾過，大家都係好朋友，都係無變。

呢啲就係好朋友。即使過左四年，大家無傾訴，無談話，只要大家約埋一齊，抱一抱，笑一笑，就可以再有朋友嘅心情。做朋友，最重要係個心，唔係個口！

我好希望我嘅朋友明白，亦都希望識我嘅人明白。我未必係對人好好，甚至係一個超多缺點嘅人，但係我好希望，每一個人都知道，我同每一個人做朋友，係講個心，唔係講金，更唔係講口！

開放日，我又學識左做人的一大哲理啦！