顯示包含「班長的痛苦」標籤的文章。顯示所有文章
顯示包含「班長的痛苦」標籤的文章。顯示所有文章

2009年3月23日星期一

班長的痛苦 (7)

在開始打這篇文章前,容許我講一講幾句廢話。

我真的沒想過上到中三後,還會打此系列的文章。我一直認為,我以前的 2D 班已是最差、最嘈的一班了;再追溯得遠一些,就是我小六當領袖生時那些四年級......
今年 3E,我雖沒稱讚他們,但我心裏一直以他們為傲,因為,我覺得我終於入了一班正常的班級了!
我在 3E 做班長一向沒有生事,但今日,我對他們徹底失望!

今日放學,Miss Wong 話我們嘈吵,要我們罰企 15 分鐘。我今日雖然 4:15 看牙醫,但我都一樣罰企。老土講句:有難同當嘛!

但是最令我失望的是有位同學被 Miss Wong 叫出來責罵,他順口講了句:

「同學嘈吵,是班長的錯喎,沒有管好班中的秩序!」

我心裏一灰。回想起我當初舉手要求當班長感到後悔。
這些班長,不做也罷!我勞心勞力,結果就是獲得這句回應。

你認為我衰,都諗下唐明澔啊!

明日劉 sir 公開鬧人;聖言先鋒 1C Study Room 又搞到一鍋泡,盧偉焯又唔生性,唉......

明日,捱鬧。

2008年6月30日星期一

班長的痛苦 (6)

我有一排無寫到這類的文章,不過我一見到呢個話題,我就有好多感觸,好想再寫多篇,作為呢個學期做班長的「最終回」。

首先在此,我先講明:我可能講嘢比較偏激少少,睇完之後唔好記住,金係抒發自己的情緒,不代表個人立埸。

經過上兩次「告密」之後,個個都提心吊膽,驚住我會告俾劉 sir 聽 ( 或者係嗰個阿 sir。唔明?算啦!)。
日日同學見到我左閃右避,連人地邀請我去佢屋企,你地都要要脅佢,唔俾佢請我來,仲要我個 good friend 都要攞呢樣來開玩笑。

我要再重新一次:

如果班長係要報告班中事項,係要同班主任講。以傷人案件為例,我都會同班主任講先。如果有需要,班主任佢就會自己搵訓導組老師,商量如何處理其事件。

就以上案件,我係唔會直接同訓導組老師講 ga ma!如果我直接同佢地講,咁就係違反成個機制,講嚴重啲,就係越權!

咁係無可能 ga ma!

另外你地成日話我報串。

當班長處理唔到某啲案件,班長係可以向班主任講低,班主任處理。

我唔係因為要提高我的操行定係乜嘢,我係因為你地唔識自己自律,好鬼勞氣。
與其自己勞氣完之後,你地都唔聽;不如搵老師仲好。

不過你地見到我告密的時候,剩係識得好似 3 歲細路仔咁,玩針對咁對住我。

點解告密一定要係壞事,唔可以有好處 ge 咩?我都有苦衷架!

你地剩係識得話我唔啱,自己唔改下自己唔啱o既地方,仲要針對我,呢啲係中二同學應該有的態度咩?

再勁啲,你地可以自己做班長。班主任九月俾你地自己提名自己做班長。你無做到班長,人地做左班長,你地就嚴三嚴四。

你話你地同 IS 堂,古生唔舉手,剩係叫話「hearing ar, hear!」俾胡 sir 鬧,有乜分別?

做中學班長真係比小學班長更難做。

不過,我都知道你地唔會理我呢個班長架啦,算啦。

p.s. 如困我有話你的話,不好記喺心裏面,睇完就算啦。

2008年5月25日星期日

班長的痛苦 (5)

續 2008-5-25 (Sun)

見到梁健聰個 blog,我又深同感受。

今日睇完黃俊健,忽然發覺:

有好多野外人係唔會知的。

黃俊健睇落好似無事,但係有可能佢自己內心覺得好痛。

相同道理,班長平時見到好多野,或者已經喺人地面前受左好多氣,同學係唔知的。

 

啊!我今日又上左寶貴的一課!

2008年5月16日星期五

班長的痛苦 (4)

最後,我都係講左俾劉 sir 聽。

我開始欣賞劉 sir 的處事風格。

我並不單單欣賞佢出數學題循序漸進、為學生而煩惱、唱歌唱得好聽,或者係關心我地有無俾老師落 daily record,而係鐘意佢「睇過度過」,為個個同學想過,盡量用平衡各方利益為重去「度橋」。
我相信我地呢一代班長都好難學到。

點解咁講?下回分解!

2008年5月15日星期四

班長的痛苦 (3)

續 2008-5-15 (Thu) (Day 4)

唉,今日又一煩惱。

之前曾經有一次話我「篤背脊」,其實那一次我係想講有人為了找 Oscar 的電話,特登在 lunch time 上班房找。
點知我又講得口快,話「有人帶電話」,先至衰左。

後來我先知點解個個都嬲。如果話「有人找 Oscar 的電話」,牽涉的人就無咁多。問題在於:個個同學都帶電話!
由於個個都帶,所以話「有人帶電話」,就會個個都認為我篤背脊,就唔得啦!

之於今次,都唔知點做。

不過有一樣野可以肯定的:我唔會再講錯野!

P.S. 証明班長的中文一定唔可以差!

2008年5月1日星期四

班長的痛苦 (1)

或許大家會常常記起令班主任「激到飛起」的埸面,但係大家有無想過班長平時做的東西呢?舉例,睇下梁健聰就明啦!

... ...

唉!又何其痛苦呢?